Beğen 0

Agah Âgâz-ı Gazeliyyât 182 şiiri

Âgâz-ı Gazeliyyât 182

Benem ol rind-i tehî kîse-i bâzâr-ı heves
K’olmışam bin meh-i Ken‘âna harîdâr-ı heves
Bî-eser nâle-yi de gûş iderüz ragbetle
Depredür derdimüzi şekve-i bîmâr-ı heves
Bir kez âyîneni de jeng-i hevesden pâk it
Niçe bir nakş u nigâr-ı der ü dîvâr-ı heves
Bir güle nagme-serâ ol ki bekâ rengi ola
Zûd pejmürde olur gonçe-i gülzâr-ı heves
Sanma Âgâhı hemân bü’l-heves itmiş çeşmün
Kimdür ey mâh sana itmeye izhâr-ı heves

 

© Bu şiirin her türlü telif hakkı şairin kendisine ve / veya temsilcilerine aittir.

Agah

Sitemizde şaire ait toplam 40 eser bulunmaktadır.




Yorumlar

Henüz yorum yapılmamış.

Yorum Yaz