Beğen 0

Ahi Âhî Dîvânı 32 şiiri

Âhî Dîvânı 32

Lutf ile bürc-i sipihr-i hüsne şol kim mâhdur
Şöhre-i şehr-i melâhat şimdi ‘Abdu ’llâh’dur

Şem‘-i ruhsâruñ gibi rûşen delîlüm var iken
Dil şeb-i zülf-i siyâhuñda niçün güm-râhdur

Gel ziyâretden safâ ehlini mahrûm étme kim
Mustafâ nûrı hakı ol çihre Beytu ’llâh’dur

N’éts’éderdüm çıkışurdum gözlerüm yaşıyla lîk
Âh kim fâş eyleyen râz-ı derûnum âhdur

ÂHİ’yâ âh étme kim yéle vérürsin gendümi
Hırmen-i ‘ışk içre cism-i nâ-tüvânum kâhdur

 

© Bu şiirin her türlü telif hakkı şairin kendisine ve / veya temsilcilerine aittir.

Ahi

Sitemizde şaire ait toplam 40 eser bulunmaktadır.




Yorumlar

Henüz yorum yapılmamış.

Yorum Yaz