Beğen 0

Ahi Âhî Dîvânı 45 şiiri

Âhî Dîvânı 45

Nigârâ çeşm-i fettânuñ be-ğâyet ğamzekâr ancak
Cigerden tîr-i müjgânuñ geçüp câna kıyar ancak

Güzellik câme-hvâbında yatup mağrûr-ı hüsn olma
Nazar kıl hâl-i ‘uşşâka ki ‘âlem bî-karâr ancak

Ğubâr-ı hâk-i pâyuñuñ nesîm-i subh-dem her dem
Koyup bu merdüm-i çeşme dédi hôş-bâd kâr ancak

Rakîb-i bed-likâ cânâ cihânda bulmamışken yér
Neden aña bu ‘izzet kim seg-i kûyuñla yâr ancak

Cihânuñ mâl u mülkini vérürseñ ÂHÎ’ye almaz
Nigârâ senden umduğı hemân bûs u kinâr ancak

 

© Bu şiirin her türlü telif hakkı şairin kendisine ve / veya temsilcilerine aittir.

Ahi

Sitemizde şaire ait toplam 40 eser bulunmaktadır.




Yorumlar

Henüz yorum yapılmamış.

Yorum Yaz