‘Aksümle zâhir eyler o âyîne berbere
Olsam o ser-terâş ile bir kerre ber bere

Âhum tamâm o seng-dile eyledi eser
Sad âferîn ki sikkesini kazdı mermere

Cismin ihâta eyledi mahrûtî-i nazar
Girdi nihân olup o perî zîr-i çâdere

Olmaz dehân-i tengi tebessüm-fürûş-i nâz
Nakd-i niyâzı eyleme itlâf yok yere

Sâmî olınca pey-rev o tab’-i müselleme
Engüşt-ber-fem oldı yerâ’ayla mahbere

© Bu şiirin her türlü telif hakkı şairin kendisine ve / veya temsilcilerine aittir.