Beğen 0

Ahmedi Bu Işk İşi Hemîşe Melâmet-ile-durur şiiri

Bu Işk İşi Hemîşe Melâmet-ile-durur

Bu ışk işi hemîşe melâmet-ile-durur
Sen eyle sanma ki ol iş selâmet-ile-durur

Üşenme ışk yolında gide diyü dil ü cân
Hatarlu yirde kamu iş şehâmet-ile-durur

Anun iremedi boyuna sâye-i tûbî
Öñinde serv eyit kim ne kâmet-ile-durur

İbâdetinüñ edâsına cân ikâmet ider
Bu kâmetüñ ki durıcah kıyâmet-ile-durur

Ciger gerek tolu baş ola iki göz kan yaş
N’irede ışk ki var bu alâmet-ile-durur

N’ola urur-ısa gamzeñ yüregüme nişter
Dem imtilâsına çâre hacâmat-ıla-durur

İşitse bile-y-idi cehli-y-ile Şeyhoglı
Bu Ahmedî sözini kim kerâmet-ile-durur

 

© Bu şiirin her türlü telif hakkı şairin kendisine ve / veya temsilcilerine aittir.

Ahmedi

Sitemizde şaire ait toplam 40 eser bulunmaktadır.




Yorumlar

Henüz yorum yapılmamış.

Yorum Yaz