Beğen 0

Ahmedi Cân Sayd İder Gözün Bu Cihâna Belâ Mıdur şiiri

Cân Sayd İder Gözün Bu Cihâna Belâ Mıdur

Cân sayd ider gözüñ bu cihâna belâ mıdur
Peykân urur cigerlere tîr-ı kazâ mıdur

Zülfüñ kohusı-y-ıla muattar-durur hevâ
Bu ûd mı ya anber ü müşg-i Hıtâ mıdur

Işkuñda oda yandum u hâlümi sormaduñ
Cân virdügüm yoluñda senüñ pes hebâ mıdur

Sinüñ baña cefâdur u binüm saña vefâ
Mihr ü vefâ mukâbili cevr ü cefâ mıdur

Ben gözlerüñe fitne vü hayrân ol beni
Zâr öldürür günahsuz işbu revâ mıdur

Işkuñ diler ki döke gözüm yüz suyın yire
Bî-gâneyi koyup kamu kasd âşinâ mıdur

Zâr iñler Ahmedî bigi her gice andelîb
Ol dahı ışka bencileyin mübtelâ mıdur

 

© Bu şiirin her türlü telif hakkı şairin kendisine ve / veya temsilcilerine aittir.

Ahmedi

Sitemizde şaire ait toplam 40 eser bulunmaktadır.




Yorumlar

Henüz yorum yapılmamış.

Yorum Yaz