Beğen 0

Arpaeminizade Sami Cenâb-i Sadr-i A’zam Ya’nî İbrâhîm Paşa Kim şiiri

Cenâb-i Sadr-i A’zam Ya’nî İbrâhîm Paşa Kim

Cenâb-i sadr-i a’zam ya’nî İbrâhîm paşa kim
Odur devletle hâlâ pâdşâh-i ‘âleme dâmâd

Sa’âdetle hitân-i mîr-i mahdûmın idüp tasmîm
Edâ itdi Muhammed sünnetin ol mefhar-i emcâd

Bahâne eyleyüp sûr-i hitânı meşreb-i cûdı
Getürdi bahr-i lutfın cûşa ol zât-i kerem-mu’tâd

Olup âyîn-i İbrâhîm Halîlu’llâh ile ‘âmil
Habîb-i kibriyânun eyledi rûh-i şerîfin yâd

Sütûde-menkabet ferzend-i zî-şânı Muhammed beg
Kim oldur gonçe-i nâz ü na’îm-i gülşen-i es’âd

Virildi sünnet-i pâkiyle zînet sadr-i ta’zîme
Ki rûz-i ‘îd-i adhâ idi ol gün zübde-i a’yâd

Tarâvetle olup ser-şîşe-pîrâ bezm-i devletde
Gül-i tab’ın güşâde ide her dem hayy-i bî-endâd

Masûn ide hatâdan cism-i nâz-âlûdını Mevlâ
İsâbet itmeye zahm-i nigâh-i dîde-i hussâd

Cenâb-i vâlid-i vâlâ-nijâdıyla ma’an yâ Rab
Kemâl-i pîr ola ol mîr-i sâhib-rüşd ü isti’dâd

Dem-i sûr-i hitânında hezârân şevk ü behcetle
Şeb-i endîşede itdüm çerâg-i hâmeyi îkâd

Ziyâ virdi derûna Sâmiyâ nûr-i beşâretle
İdüp bu mısra’ı ilhâm-i Rabbânîden istimdâd

Gelüp ‘îdün ikinci rûz-i isneyni didüm târîh
Muhammed beg olundı yümn ile sünnet mübârek-bâd

Sene 1133

 

© Bu şiirin her türlü telif hakkı şairin kendisine ve / veya temsilcilerine aittir.

Arpaeminizade Sami

Sitemizde şaire ait toplam 40 eser bulunmaktadır.




Yorumlar

Henüz yorum yapılmamış.

Yorum Yaz