Beğen 0

Aşık Çelebi Cihândan Fârigüm Gam ‘Âleminde Hoş Demüm Vardur şiiri

Cihândan Fârigüm Gam ‘Âleminde Hoş Demüm Vardur

Cihândan fârigüm gam ‘âleminde hoş demüm vardur
Degişmem on sekiz bin ‘âleme bir ‘âlemüm vardur

N’ola bâzû-yı sa’y-ı gerden-i ümmîde salarsam
Kolumda dâg-ı ‘ışkun gibi hırz-ı a’zamum vardur

Gönül hercâyîdür cân ‘âriyetdür geçdüm anlardan
Sirişküm gibi dem-sâz âh gibi hem-demüm vardur

N’ola dîvân-ı şi’rüm sakınursam yâdlardan ben
İçinde niçe ebkâr-ı ma’ânî mahremüm vardur

Ne gam cümle cihân bed-hâh u düşmen olsa ey ‘Âşık
Benümdür mülk-i istignâ cihânda ne gamum vardur

 

© Bu şiirin her türlü telif hakkı şairin kendisine ve / veya temsilcilerine aittir.

Aşık Çelebi

Sitemizde şaire ait toplam 40 eser bulunmaktadır.




Yorumlar

Henüz yorum yapılmamış.

Yorum Yaz