Beğen 0

Ahmedi Çünki Subh İrdi Vü Gice Alemin Eyledi Pes şiiri

Çünki Subh İrdi Vü Gice Alemin Eyledi Pes

Çünki subh irdi vü gice alemin eyledi pes
Baña sun câmı ki nergis bigiyem bâde-perest

Işkuñun mesti-y-idüm anda ki yog-ıdı ineb
Lâ-cerem böyle olur her ki ola mest-i Elest

Lebüñi veche virür câna girişme-y-le gözüñ
Bahşiş-i mest zi-şîrin ki ola dest-be-dest

Ne aceb dutsa lebüñ ışkı bu göñlümi vatan
Cânlara sadr-durur kim olur ol câ-yi nişest

Kaşlaruñ kurdı kemânın u saçuñ bagladı dâm
Kankı cânı koya zinde bu küşâd-ıla bu best

Baña dirler ki anuñ agzı ne gûherdür eyit
Bir güherdür ki ana ne nist diyilür ü nehest

Ahmedî bâœei çün bezm-i ezelde içdi
Zâhir ol kim ebedâ kâlasıdur ol ser-mest

 

© Bu şiirin her türlü telif hakkı şairin kendisine ve / veya temsilcilerine aittir.

Ahmedi

Sitemizde şaire ait toplam 40 eser bulunmaktadır.



Yorumlar

Henüz yorum yapılmamış.

Yorum Yaz

https://dizimov.net/