Beğen 0

Arpaeminizade Sami Dâmân-gîr Olur Müjeler Çeşm-i Hasrete şiiri

Dâmân-gîr Olur Müjeler Çeşm-i Hasrete

Dâmân-gîr olur müjeler çeşm-i hasrete
‘Azm eyleyince merhale-i hâb-i râhata

Eşküm fütâde oldı hazîz-i mezellete
Pîrâye olmadı o güher gûş-i ragbete

Hem-şîre oldı duhter-i rez la’l-i dil-bere
Meclisde kan yalaşdılar ‘akd-i uhuvvete

Keştî-i dil kenâre-i maksûda irmedi
Düşdi hevâ-yi ‘aşk ile deryâ-yi fürkate

Mînâ-yi dîde oldı perî-hâne-i hayâl
Sâmî nigâh idüp o ruh-i pür-letâfete

 

© Bu şiirin her türlü telif hakkı şairin kendisine ve / veya temsilcilerine aittir.

Arpaeminizade Sami

Sitemizde şaire ait toplam 40 eser bulunmaktadır.




Yorumlar

Henüz yorum yapılmamış.

Yorum Yaz