Beğen 0

Arpaeminizade Sami Dil Kim Heves-i ‘Aşk İle Ol Dem Yola Düşdi şiiri

Dil Kim Heves-i ‘Aşk İle Ol Dem Yola Düşdi

Dil kim heves-i ‘aşk ile ol dem yola düşdi
Güm-kerde-reh-i vâdî-i hicrân oladüşdi

Ceyş-i hatı geldükde idüp bende-nevâzî
Ol pâdşeh-i mülket-i ‘işve kula düşdi

Dün fikr-i ruhunla taraf-i gülşene vardum
Bir âh-i gelû-sûz ile güller soladüşdi

İzhâr iderüm sandum o gül-gonçeye râzum
Şeb-nemle iki nergis-i çeşmi doladüşdi

Âgûş-i nigehden bile eylerdi tehâşî
Gör bahtı rakîb ile o meh kol kola düşdi

Eşkümle nihâl-i kad-i yâre virerek su
Nâ-puhte iken mîve-i vuslat oladüşdi

Sâmî o mehi hâle-i âgûşa çekince
Gayretle sipihr-i hased-endûz öledüşdi

 

© Bu şiirin her türlü telif hakkı şairin kendisine ve / veya temsilcilerine aittir.

Arpaeminizade Sami

Sitemizde şaire ait toplam 40 eser bulunmaktadır.




Yorumlar

Henüz yorum yapılmamış.

Yorum Yaz