Beğen 0

Arpaeminizade Sami Dilümüz Meş’al-i Fânûs-i Sürûr Eylemişüz şiiri

Dilümüz Meş’al-i Fânûs-i Sürûr Eylemişüz

Dilümüz meş’al-i fânûs-i sürûr eylemişüz
Rûzgâr-i gamı sad merhale dûr eylemişüz

Olmazuz hâste-i zîver-i dehr-i bed-vaz’
Künc-i kâşâne-i mihnetde huzûr eylemişüz

Eşki rîzân idelüm dâmen-i ‘isyânumuza
Âh kim resm-i ‘ibâdetde kusûr eylemişüz

Revzen-i Tûr gibi âyine-i dîdemüzi
Pertev-i hüsnün ile mehbit-i nûr eylemişüz

Zâhidâ rind-i harâbâtı görüp ‘ayb itme
Bâde-i vahdet ile terk-i şu’ûr eylemişüz

Leşker-i hayl-i müjen saff-i sipâh-i âfet
Dil-i vîrânemüzi vâdî-i şûr eylemişüz

Bilmezüz ma’bed-i zühhâd ü kilîsâ Sâmî
Çekmege derd ü gam-i ‘aşkı zuhûr eylemişüz

 

© Bu şiirin her türlü telif hakkı şairin kendisine ve / veya temsilcilerine aittir.

Arpaeminizade Sami

Sitemizde şaire ait toplam 40 eser bulunmaktadır.




Yorumlar

Henüz yorum yapılmamış.

Yorum Yaz