Beğen 0

Arpaeminizade Sami Dü Nîm Olursa Da Ten Dilde Ârzû Birdür şiiri

Dü Nîm Olursa Da Ten Dilde Ârzû Birdür

Dü nîm olursa da ten dilde ârzû birdür
Dü-reng ise gül-i ra’nâ ‘aceb mi bû birdür

Gönül harâb-i mey-i bî-hodî-i vahdetdür
O bezmgâhda kim sâkî vü sebû birdür

Netîce ‘ayn-i mukaddem kaziyye hod ma’lûm
Bu ders-hânede ma’nâ-yi güft ü gû birdür

Nigâh-i ehl-i hakîkatde râ’î vü mer’î
Bilürsen âyineyi eyle rû-be-rû birdür

Girîve-gerd-i hilâf olma reh-rev-i sıdk ol
Tarîk-i ‘aşk-i İlâhîde cüst ü cû birdür

Hasîr-pâre-i zillet-be-dûş-i tecrîdün
Yanında çîn-i cebîn ile ser-fürû birdür

Kemâl-i ‘aşk ile ol hûş-der-dem-i tevhîd
Nefes hezâr ise de Sâmiyâ gelû birdür

 

© Bu şiirin her türlü telif hakkı şairin kendisine ve / veya temsilcilerine aittir.

Arpaeminizade Sami

Sitemizde şaire ait toplam 40 eser bulunmaktadır.




Yorumlar

Henüz yorum yapılmamış.

Yorum Yaz