Beğen 0

Arpaeminizade Sami Hamûş-i Vahşetün Kadri Füzûnterdür Suhan-gûdan şiiri

Hamûş-i Vahşetün Kadri Füzûnterdür Suhan-gûdan

Hamûş-i vahşetün kadri füzûnterdür suhan-gûdan
Tereşşuh eyleyen bûdur dehân-i nâf-i âhûdan

Zebân-i mû-şikâfân-i beyâna pîçiş-efzâdur
O îmâlar ki peydâdur nihânî çîn-i ebrûdan

Verâ-yi şâne-i müjgândan nezzâredür kârum
Rakîbâ çâk çâk ol çekmem el dâmân-i gîsûdan

Kimün çâk itdi mikrâz-i nigâh-i ahveli bilmem
Şikâf-i leb ki zâhirdür o nâzük-rûy-i dil-cûdan

İder mi feyz-i kâmil sûd tab’-i naks-bînâna
Tehîdür desti âhir taşsa gevherler terâzûdan

Nice demler gerek ma’nî-i rengîn olmaga puhte
Olur mı şîre-i yek-rûze Sâmî fark hîç sudan

 

© Bu şiirin her türlü telif hakkı şairin kendisine ve / veya temsilcilerine aittir.

Arpaeminizade Sami

Sitemizde şaire ait toplam 40 eser bulunmaktadır.



Yorumlar

Henüz yorum yapılmamış.

Yorum Yaz

https://dizimov.net/