Beğen 0

Arpaeminizade Sami Hatt-i Lebün Ki Mısra’-i Zîb-i Me’âldür şiiri

Hatt-i Lebün Ki Mısra’-i Zîb-i Me’âldür

Hatt-i lebün ki mısra’-i zîb-i me’âldür
Îhâm-i bûse anda ne rengîn hayâldür

Dil kavs-i ebruvânı elinden neler çeker
Seyr eyle kadd-i ham-şudemi ana dâldür

Eyler şikeste murg-i dilün perr ü bâlini
Ol tıfl-i nev-resîde dimez kim vebâldür

Ol nahl-i ‘işve her ne kadar ser-keş olsa da
Bâr-i niyâz ile egilür ihtimâldür

Zann itme jâledür görinen rûy-i yârde
Güller çemende gark-i hoy-i infi’âldür

Nezzâre dûr-bîn-i bilûrîn olursa da
Görmek ten-i nizârumı emr-i muhâldür

Sâmî ümîd-i câm-i Cem itmez gedâ-yi ‘aşk
Memnûn-i bâde-hârî-i köhne-sifâldür

 

© Bu şiirin her türlü telif hakkı şairin kendisine ve / veya temsilcilerine aittir.

Arpaeminizade Sami

Sitemizde şaire ait toplam 40 eser bulunmaktadır.



Yorumlar

Henüz yorum yapılmamış.

Yorum Yaz

https://dizimov.net/