Beğen 0

Arpaeminizade Sami Kaçan Kim Nükte-senc Olup Açar Ol Mâh-i Gül-fem Fem şiiri

Kaçan Kim Nükte-senc Olup Açar Ol Mâh-i Gül-fem Fem

Kaçan kim nükte-senc olup açar ol mâh-i gül-fem fem
Rumûz-i ‘alleme’l-esmâdan urmaz dahı Âdem dem

Kelâm-i pür-kelâm-i ta’n-i ta’n-i tîr-te’sîri
Onılmaz degme hâl ile Mesîh eylerse merhem hem

Şu denlü telh-kâmem kâm-i gam-encâm-i hecründen
Ki zevk-i şehd hâsıl eylerüm ger nûş idersem sem

Neden mesrûr ola vaslun ile ey şâh-i ferruh-ruh
Muhibb-i sâdıkun kalbinde dâ’im oldı müdgam gam

Habâbâsâ felekler muztaribdür dûd-i âhumdan
Firâkıyla idelden Sâmiyâ âfâkı giryem yem

 

© Bu şiirin her türlü telif hakkı şairin kendisine ve / veya temsilcilerine aittir.

Arpaeminizade Sami

Sitemizde şaire ait toplam 40 eser bulunmaktadır.




Yorumlar

Henüz yorum yapılmamış.

Yorum Yaz