Beğen 0

Arpaeminizade Sami Kişver-i ‘Aşkun Şeh-i Sâhib-kırânıdur Gönül şiiri

Kişver-i ‘Aşkun Şeh-i Sâhib-kırânıdur Gönül

Kişver-i ‘aşkun şeh-i sâhib-kırânıdur gönül
Ceyş-i endûhun re’îs-i kârvânıdur gönül

Katresinde nice deryâlar nihân-ender-nihân
Evvelîn-mevc-i muhît-i bî-nişânîdür gönül

Bâ’-i bismi’llâh bed’-i kâf ü nûna noktadur
Merkez-i pergâr-i sırr-i kün fe-kânîdür gönül

Noktasında ma’nî-i seb’a’l-mesânî muhtefî
Şerh-i metn-i heft-cild-i âsmânîdür gönül

Mahrem-i halvet-serây-i perde-i ilhâmdur
Şâhid-i gaybun Nedîm-i nükte-dânıdur gönül

Cür’ası hâk ü habâbı nüh-kıbâb-i çâr-tâk
Sâgar-i ser-şâr-i bezm-i lâ-mekânîdür gönül

Devr-i eflâke nuhustîn-nokta-i pergârdur
Hâme-i sun’un süveydâ-yi lisânıdur gönül

Perveriş-yâb-i fürûg-i âftâb-i ‘aşk olur
Gevher-i hûnîn-i dâg var ise kânıdur gönül

Nahl-i âh-i âteşîn-bâr-i zemîn-i sîneye
Tohm-i pür-neşv ü nemâ-yi câvidânîdür gönül

Kâf-i istignâ-yi ‘aşk ü evcgâh-i himmetün
Sâmiyâ ‘ankâ-yi vâlâ-âşyânıdur gönül

 

© Bu şiirin her türlü telif hakkı şairin kendisine ve / veya temsilcilerine aittir.

Arpaeminizade Sami

Sitemizde şaire ait toplam 40 eser bulunmaktadır.




Yorumlar

Henüz yorum yapılmamış.

Yorum Yaz