Beğen 0

Aşık Çelebi Kızıl Elmada Görenler Mehçe-i Sancâgunı şiiri

Kızıl Elmada Görenler Mehçe-i Sancâgunı

Kızıl Elmada görenler mehçe-i sancâgunı
Sandı sîb-i müslimîdür ki nihâl üstindedür

Surh-ser oklı şikârundur serinde nâvekün
Şâhin-i deşt-i gazâdur ki gazâl üstindedür

Virse n’ola cân-ı şîrîni gören nîzende baş
Her biri bir şekl-i Hüsrevdür nihâl üstindedür

Kelle-i a’dâda yir yir zahm-ı gürz ü şemşîrün
Tâze açılmış karanfildür sifâl üstindedür

Nâhun-ı peykânun eyler ‘ukdesin hal düşmenün
Mîm-veş başı girihdür ki melâl üstindedür

Arasın kessin okun gönder yâhûd tîgini sal
Cism ü cânı kâfirün ceng ü cidâl üstindedür

Keff-i cûdun hüsrevâ bir nehr-i sâ’ildür senün
Mevclerdür hatları âb-ı zülâl üstindedür

Elleri seng-i sitemden şimdi taş altındadur
Rahm iderdün ‘Âşıkı görsen ne hâl üstindedür

 

© Bu şiirin her türlü telif hakkı şairin kendisine ve / veya temsilcilerine aittir.

Aşık Çelebi

Sitemizde şaire ait toplam 40 eser bulunmaktadır.




Yorumlar

Henüz yorum yapılmamış.

Yorum Yaz