Beğen 0

Baki La’lüñle Câm Yok Yire Eyler şiiri

La’lüñle Câm Yok Yire Eyler

La’lüñle câm yok yire eyler müdâm bahs
İzhâr-ı hak degülse garaz hod harâm bahs

Üstâd eline girmedi nâ-puhtedür henûz
Nâzük tenüñle eylemesün sîm-i hâm bahs

Gül goncasınuñ olmadı mesmû’ sözleri
La’lüñle gerçi eyledi mâ-lâ-kelâm bahs

Bülbül nevâ-yı nâleme kılmaz mu’âraza
Zîrâ götürmez ey yüzi gül her makâm bahs

Erbâb-ı ‘aşk ceng ider eshâb-ı zühd ile
Maksûd sensin eyleseler hâs u ‘âm bahs

Hüsnüñ katında togmaduga döndi her biri
Hûrşîd ü mâh eyler iken subh u şâm bahs

Bâkî ferîd-i fenn-i suhandur nizâ’ı ko
İlzâm iderler itme sakın iltizâm bahs

 

© Bu şiirin her türlü telif hakkı şairin kendisine ve / veya temsilcilerine aittir.

Baki

Sitemizde şaire ait toplam 40 eser bulunmaktadır.




Yorumlar

Henüz yorum yapılmamış.

Yorum Yaz