Beğen 0

Aşık Çelebi Nesîm-i ‘ışk ile deryâ gibi ben çünki cûş itdüm şiiri

Nesîm-i ‘ışk ile deryâ gibi ben çünki cûş itdüm

Nesîm-i ‘ışk ile deryâ gibi ben çünki cûş itdüm
Niçe leffâf-ı ehl-i kâli cû gibi hamûş itdüm

Lebün vasfında tûmârum idüp ta’vîz-i sâk-ı ‘arş
Dür-i şehvâr-ı şi’rüm kurta-ı gûş-ı sürûş itdüm

Ecel peygâmın iblâg itdi çünki peyk-i peykânun
Savup cân u dili halvet-serây-ı kalbi boş itdüm

Ten-i çâküm tonatdı penbe-i dâg u fetîl-i zahm
Gören sanur gönül abdâlını peşmîne-pûş itdüm

Degüldür gûş-vâr jâle gûş-ı gülde ey ‘Âşık
Ögüp hüsnün güli bir bende-i halka be-gûş itdüm

 

© Bu şiirin her türlü telif hakkı şairin kendisine ve / veya temsilcilerine aittir.

Aşık Çelebi

Sitemizde şaire ait toplam 40 eser bulunmaktadır.




Yorumlar

Henüz yorum yapılmamış.

Yorum Yaz