Beğen 0

Arpaeminizade Sami Şeh-i Kişver-güşâ Sultân-i Bî-hemtâ Kim İtmişdür şiiri

Şeh-i Kişver-güşâ Sultân-i Bî-hemtâ Kim İtmişdür

Şeh-i kişver-güşâ sultân-i bî-hemtâ kim itmişdür
Hilâfet sırrını Hak ta’biye tab’-i reşîdinde

Cenâb-i şâh-i ‘âlem hazret-i hân Ahmed-i gâzî
Ki husrevler der-i cûdında oldı lutf ümîdinde

Şehenşâh-i mu’azzam kim degüldür ferr ü şevketle
Cem ü Kâ’ûs ü Dârâ rütbe-i ‘abd-i ‘abîdinde

Bülend-eyvân-i tâk-i ‘adline benzerdi fi’l-cümle
Sebât olsaydı ger İskenderün sedd-i sedîdinde

O denlü dest-i ‘adli çekdi hasma tîg-i Fârûkı
Ki gayrı kalmadı tâkat dil-i saht-i ‘anîdinde

Teberrâyîleri mahv itdi bîm-i sadme-i kahrı
Ne cânı var zuhûra şâh-i güm-râh-i pelîdinde

Mecâli kalmadı ârâma hîç za’f-i felâketle
Kızılbaşun re’îs-i ceyş-i merdûd ü tarîdinde

Zebûn olup revânın eyledi teslîm âhir-kâr
Bir ism-i bî-müsemmâ kaldı cism-i nâ-bedîdinde

Revân hısnı yine oldı nasîb-i leşker-i İslâm
Hudâ ma’mûr ide şâhenşehün ‘ahd-i sa’îdinde

Muhassal eyledi şâhenşeh-i âfâk eshâbun
Revân-i pâkini hoşnûd bu feth-i cedîdinde

Su’âl itdüm didi Sâmî bu nev’a düşdi bir târîh
Revân alındı sultân Ahmedün ‘asr-i sa’îdinde

Sene 1137

 

© Bu şiirin her türlü telif hakkı şairin kendisine ve / veya temsilcilerine aittir.

Arpaeminizade Sami

Sitemizde şaire ait toplam 40 eser bulunmaktadır.




Yorumlar

Henüz yorum yapılmamış.

Yorum Yaz