Beğen 0

Arpaeminizade Sami Şemşîrini Takınca Ne Hoşdur O Bel İnce şiiri

Şemşîrini Takınca Ne Hoşdur O Bel İnce

Şemşîrini takınca ne hoşdur o bel ince
Şemşîri nitâkınca nitâk ince belince

Kuhsâr-i mahabbetdeki râh ince bel ince
Bâr-i gam-i hicrân çekilür mi cebelince

Hayfâ ki ‘arûs-i tutuk-ârâ-yi ümîdüm
Âgûş-i dile mûy sefîd oldı gelince

Pür-ra’şe gerek dil vasat-i havf ü recâda
Çün kıble-nümâ dergeh-i Hakka yönelince

Vâ-bestedür ey dil düzele nâhun-i kârun
Şîrâze-i mecmû’a-i matlab düzelince

Nazmı yine Sâmînün olur ragbete şâyân
Olmazsa da ey hâme Nazîmün gazelince

 

© Bu şiirin her türlü telif hakkı şairin kendisine ve / veya temsilcilerine aittir.

Arpaeminizade Sami

Sitemizde şaire ait toplam 40 eser bulunmaktadır.




Yorumlar

Henüz yorum yapılmamış.

Yorum Yaz